Skip to main content

Posts

Showing posts from May, 2014

ഒരു വേനല്‍സന്ധ്യമഴ

വെള്ളാനവണ്ടി വളവു തിരിഞ്ഞ് കണിമംഗലം പാടത്തെ രണ്ടാക്കി കടന്നുപോകുന്ന പാതയിലേക്ക് എത്തിയപ്പോഴേക്കും കാർമേഘങ്ങൾ ഒരു ചാരനിറമാർന്ന കുട കണക്കെ ആകാശമാകെ പടർന്നിരുന്നു. പാടത്തിന്റെ കിഴക്കെ അറ്റത്ത് ഒരു മൂടൽമഞ്ഞുപോലെ വേനൽ മഴ പടർന്നുകയറുന്നതുംകൊണ്ടാണ് ബസ് ഗ്രാമഹൃദയത്തിലേക്ക് പ്രവേശിച്ചത്. നിമിഷങ്ങൾക്കുള്ളിൽ മഴയിങ്ങെത്തി. തുറന്ന ജനലുകളില്‍ കൂടി മഴത്തുള്ളികള്‍ തണുപ്പിന്റെ തലോടലുകള്‍ സമ്മാനിക്കവേ യാത്രക്കാർ ബസിന്റെ ഷട്ടറുകൾ തിരക്കിട്ടു താഴ്ത്തുകയും അന്തർഭാഗത്തെ ഇരുട്ടിനു കനം കൂടുകയും ചെയ്തു. പുറത്ത് മഴ കനക്കുകയായിരുന്നു; തകരമേൽക്കൂരയിൽ തുള്ളികൾ വീണുടയുന്ന ശബ്ദം റോഡിലെ വാഹനങ്ങളുടെ ആക്രോശങ്ങളേക്കാൾ വ്യക്തമായി കേൾക്കാം. പാതയിലെ വെളിച്ചങ്ങള്‍ ബസിന്റെ ചില്ലില്‍ ഒരു വാന്‍ ഗോഗ് ചിത്രം പോലെ കാണപ്പെട്ടു: എ സ്റ്റാറി നൈറ്റ്‌!
നിമിഷങ്ങള്‍ക്കുമുമ്പ് വേനല്‍ ചൂടിനെ പഴിപറഞ്ഞവര്‍ ചിലര്‍ ഇപ്പോള്‍ അപ്രതീക്ഷിതമായി വന്ന മഴയെപറ്റി അടക്കിയ സ്വരത്തില്‍ പരാതി പറയുന്നുണ്ടായിരുന്നു. അടുത്ത സ്റ്റോപ്പുകളില്‍ ഇറങ്ങേണ്ടവര്‍ ഷട്ടറുകള്‍ പാതി ഉയര്‍ത്തി സ്ഥലം എത്തിയോ എന്ന് ഇടക്കിടക്ക് പരിശോധിച്ചുകൊണ്ടിരുന്നു.
ഊരകത്തിറങ്ങേണ്ട സമയം ആയപ…

കല്യാണപ്പാട്ട്

ബാംഗ്ലൂർ ഡേയ്സ് എന്ന സിനിമയിലെ കല്യാണപ്പാട്ട് കണ്ടു. സത്യൻ അന്തിക്കാടിനെ എന്തിനു കുറ്റം പറയണം? സെറ്റ് മുണ്ട് ഉടുത്ത് നൃത്തം ചെയ്യുന്ന പെൺ കിടാങ്ങൾ, മുക്കും മൂലയും വരെ കുരുത്തോലകോണ്ടലങ്കരിച്ച വീട്, നോഹയുടെ പെട്ടകത്തെ അനുസ്മരിപ്പിക്കുന്ന പ്രധാനപച്ചക്കറികളുടെ രണ്ടുവീതം  സ്പെസിമനുകൾ നിരത്തി വെച്ച മേശ, പടവലം കൊണ്ട് വാൾപ്പയറ്റ്, അങ്ങനെ കേരളത്തനിമ മുറ്റി നിക്കല്ലേ! ഒരാനേം കൂടി ആകാമായിരുന്നു..


ബ്ലീഡിംഗ് ഇങ്ക്: ഒരു കുത്തിവര

മെയ്‌ ദിന കുത്തിവര