February 23, 2010

ഒരു ബ്ലോഗുല്പത്തിക്കഥ

ഒരു പുതിയ ബ്ലോഗ് ഉണ്ടാക്കണമെന്ന മോഹവുമായാണ്‌ ഞാന്‍ അയാളുടെ അടുത്ത് പോയത്.

ബ്ലോഗെന്നു കേട്ടപ്പോള്‍ വിഷയമെന്താണെന്നായി ചോദ്യം. തിരുമാനിച്ചില്ലെന്ന് ഞാന്‍ ...

അവര്‍ണ്ണ - സവര്‍ണ്ണ -സംവരണ ബ്ലോഗ് പറ്റുമൊ?
സോറി, ഞാന്‍ മാധ്യമമോ, മാതൃഭൂമി, മലയാളം പോലെയുള്ള 'മ' വാരികകളൊ വായിക്കാറില്ല. വായിക്കാന്‍ സമയം കിട്ടാറില്ല.

എന്നാല്‍ രാഷ്ട്രീയം? വെറുതെ പത്രത്തില്‍ വരുന്നത് അടിച്ചു കേറ്റിയാല്‍ മതി..
സോറി, സ്വന്തമായി എന്തെങ്കിലും എഴുതാനാണ്‌ താത്പര്യം

അപ്പൊ അതും പറ്റില്ല. എന്നാല്‍ ഹിന്ദു- മുസ്ലിം- ക്രിസ്ത്യാനി ജാതിക്കളി ആയാലൊ?
ഞാന്‍ യുക്തിവാദിയാണ്‌. ദൈവത്തില്‍ വിശ്വാസമില്ല

എന്നാല്‍ കലാകൊല ആയാലൊ?കവിത, പടം വര, ഫോട്ടൊ, ആ ലൈന്‍
ഒട്ടും വേണ്ട, അറിയാത്ത കാര്യങളെ പറ്റി ബ്ളോഗില്ല എന്നു ഞാന്‍ തിരുമാനിച്ചിട്ടുണ്ട്.

പിന്നെ എന്തു കോപ്പിനാടൊ താന്‍ ബ്ലോഗാന്‍ വന്നെ?

എനിക്ക് എന്റെ തെറ്റ് മനസ്സിലായി. ലാപ്ടോപ് അടച്ച് ഉറങാന്‍ പോയി. അങനെ പോസ്റ്റുകളില്ലാത്ത മറ്റൊരു അനാധ ബ്ലോഗു കൂടി ബ്ലോഗ്സ്പോട്ടില്‍ അവശേഷിച്ചു..

February 12, 2010

വാലന്റൈന്‍സ് അനിമേഷന്‍



ഒരു വാലന്റൈന്‍ സമ്മാനം!!

ഇതു സ്ക്രാപാനൊ, ബ്ലോഗില്‍ ഇടാനൊ, താഴെ കൊടുത്തിരിക്കുന്ന കോഡ് ഉപയോഗിക്കുക.വലുപ്പം മാറ്റുവാന്‍, കോഡില്‍ ഹൈലൈറ്റ് ചെയ്തിരിക്കുന്ന ഭാഗം നിങളുടെ ആവശ്യാനുസരണം മാറ്റുക.
<embed type="application/x-shockwave-flash" wmode="transparent" src="http://www.ranjithj.in/swale/Flash/v2.swf" pluginspage=" http://www.macromedia.com/go/getflashplayer" height="300" width="300"> </embed>

February 09, 2010

February 05, 2010

ഉപേക്ഷിക്കപ്പെട്ടവന്റെ ആത്മഗതങള്‍

വാക്കുകള്‍ എനിക്കു നഷ്ടപ്പെട്ടത് ഞാന്‍ അറിഞ്ഞില്ല,
കാരണം ഞാന്‍ വരകള്‍ക്ക് കൂട്ടിരിക്കുകയായിരുന്നു.
വരകള്‍ എനിക്കു നഷ്ടപ്പെട്ടത് ഞാന്‍ അറിഞ്ഞില്ല,
കാരണം ചിന്തകള്‍ എന്നോടൊപ്പമുണ്ടായിരുന്നു.
ചിന്തകള്‍ എന്നെ വിട്ടുപോയത് ഞാന്‍ അറിഞ്ഞില്ല,
കാരണം അവള്‍ എനിക്കു കൂട്ടുണ്ടായിരുന്നു.
അവള്‍ എന്നെ വിട്ടുപോയത് ഞാന്‍ അറിഞ്ഞില്ല,
കാരണം എന്റെ ശ്വാസവും അവള്‍ കൊണ്ടുപോയിരുന്നു!!!

*രാത്രി സമയത്ത് കിടന്നുറങിയില്ലെങ്കിലുള്ള ഓരോ ബുദ്ധിമുട്ടേ!