December 27, 2013

ആര്‍ യു ലോണ്‍സം ടുനൈറ്റ്‌?

"ആര്‍ യു ലോണ്‍സം ടുനൈറ്റ്‌.."

ലാപ്‌ടോപിലൂടെ ഒഴുകി വന്ന എല്‍വിസ്‌ ഗാനവും കേട്ട് അവളെ ഓര്‍ത്ത്‌ ഇരിക്കുന്നത് വേദനയുള്ള ഒരു സുഖമാണ്. ഇന്നേക്ക് മൂന്നുവര്‍ഷം ആയിരിക്കുന്നു അവളെ അവസാനമായി കണ്ടിട്ട്. എത്ര വലിയ പൂട്ടുകൊണ്ട് ബന്ധിച്ചാലും  ഓര്‍മ്മകളുടെ സഞ്ചാരം തടയാന്‍ സാധിക്കുമോ?

അവളുടെ ഒരു ചിരിക്കായ്‌ പറഞ്ഞ തമാശകളും, മണിക്കൂറുകള്‍ നീണ്ട ഫോണ്‍ വര്‍ത്തമാനത്തിന് ശേഷം അവളുടെ ശബ്ദം കേട്ട് മയങ്ങിയ അസംഖ്യം രാത്രികളും എങ്ങനെ മറക്കും? പരസ്പരം ചിരികള്‍ പങ്കിട്ടു വടക്കുംനാഥനെ പ്രദക്ഷിണം വെച്ച് നടന്ന അസംഖ്യം സായാഹ്നങ്ങളും, അവളുടെ കണ്ണുകളില്‍ നോക്കി മനസ്സിലെ പ്രണയം പറയാതെ പറഞ്ഞ അസംഖ്യം നിമിഷങ്ങളും എങ്ങനെ മറക്കും? 

പ്രണയത്തേക്കാള്‍ വില സൌഹൃദത്തിന് നല്‍കിയ ഒരു വിഡ്ഢി ആയിരുന്നു ഞാന്‍.

യെസ്, ഐ ആം ലോണ്‍ സം ടുനൈറ്റ്.... 

 

No comments: