December 26, 2011

December 25, 2011

ഹാപ്പി ക്രിസ്മസ്

കഥകളില്‍ കേട്ട പോലെ ആ രാത്രി മഞ്ഞു പെയ്യുന്നുന്ടായിരുന്നില്ല. അവനു ലക്‌ഷ്യം തെറ്റിയപ്പോള്‍ നേര്‍ വഴി കാണിക്കാന്‍ ഒരു നക്ഷത്രവും അന്ന് രാത്രി ഉദിച്ചില്ല. സന്തോഷവും സമാധാനവും അവന്റെ മനസ്സില്‍ നിറഞ്ഞില്ല. പാതിരാ കുര്‍ബാനക്ക് പള്ളിയില്‍ പോകാന്‍ തയ്യാറായി നില്‍ക്കുന്ന മകളുടെ അടുത്ത് എത്താനുള്ള ആകാംക്ഷ മാത്രമായിരുന്നു അവന്റെ മനസ്സില്‍. അവളുടെ അടുത്തെത്താന്‍, അവള്‍ ഉറങ്ങുന്ന മണ്ണില്‍ ഒരു പിടി റോസാ ദളങ്ങള്‍ വിതറാന്‍, ഒരു തവണ കൂടി 'ഹാപ്പി ക്രിസ്മസ്' പറയാന്‍..ജീവിതത്തിന്റെ തിരക്കുകളില്‍ അയാളുടെ ഓര്‍മകളില്‍ നിറഞ്ഞു നില്‍ക്കുന്ന സുഖമുള്ളൊരുപിടി ഓര്‍മ്മകള്‍ നല്‍കി, നിശബ്ദമായ് കടന്നു പോയ സ്വന്തം മകളുടെ അടുത്തെത്താന്‍..

December 19, 2011

ഉറക്കം

തണുപ്പിന്റെ ആലിംഗനങ്ങളെ അവൻ സ്നേഹിച്ചു തുടങ്ങിയിരുന്നു. പുലർകാലത്തെ കോടമഞ്ഞിന്റെ തലോടലേല്ക്കാൻ അവന്റെ മനസ്സു കൊതിച്ചു. എന്താണിങ്ങനെ? അവന്റെ ജീവനിശ്വാസങ്ങളിൽ തണുപ്പുനിറഞ്ഞതെന്നുമുതലാണ്‌? ഉത്തരം കിട്ടാത്ത ആ ചോദ്യത്തിനൊരുത്തരം സ്വപ്നം കണ്ട് ആ ശിശിരകാല രാത്രിയിൽ അവൻ ശാന്തമായി ഉറങ്ങി. ഒരുപക്ഷേ രാവിലെ 6 മണിക്ക് അടിക്കാൻ പോകുന്ന അലാറത്തിന്റെ അലറലുകൾക്കുപോലും ഉണർത്താൻ പറ്റാത്തത്ര അഗാധമായ ഉറക്കം.

 


December 11, 2011

സത്യത്തിനൊരാമുഖം

സത്യം വേനൽക്കാല സൂര്യനെ പോലെയാണ്‌ 
അതിൽ ചിലർ വിയർക്കും, തൊണ്ട വരളും 

അതിന്റെ വെളിച്ചത്തിൽനിന്നു രക്ഷപ്പെടാൻ 
നുണകളുടെ മറക്കുടകൾ പിടിക്കും. 
എന്നാലവർ ഒന്നു മറക്കുന്നു: 
പ്രകാശവേഗത്തെ മറികടക്കാൻ 
ശ്വാനന്റെ ഓരിയിടലുകൾക്കാകില്ലെന്ന്. 

അതിന്റെ ചൂടിൽനിന്ന് രക്ഷപ്പെടാൻ ഓടിയോളിക്കും. 
എന്നലവർ ഒന്നു മറക്കുന്നു: 
മന:സാക്ഷിയിൽ നിന്നൊളിക്കുക അസാധ്യമെന്ന്. 

സത്യം വേനൽക്കാല സൂര്യനെ പോലെയാണ്‌ 
അതിൽ ചിലർ വിയർക്കും, തൊണ്ട വരളും

November 21, 2011

വഞ്ചനയുടെ വിഷമുനകൾ

അവൾക്കായ് കല്യാണസൗഗന്ധികങ്ങൾ തേടി ഞാനലഞ്ഞപ്പോൾ
അവളുടെ ചുണ്ടുകളിൽ പരിഹാസച്ചിരിയായിരുന്നു.

അവളുടെ മാനത്തിനുവേണ്ടി ഞാൻ പോരാടുമ്പോൾ
അവളെന്റെ അഭിമാനത്തിനു വിലപറയുകയായിരുന്നു.

അവളോടൊത്തൊരു ജീവിതം ഞാൻ സ്വപ്നം കണ്ടപ്പോൾ
അവളെന്റെ മരണത്തിനുവേണ്ടി പ്രാർത്ഥിക്കുകയായിരുന്നു,

അവളുടെ നോട്ടത്തിലെ കാമത്തിൽ,
അവളുടെ ചിരിയിലെ വശ്യതയിൽ,
അവളുടെ വാക്കുകളിലെ മാധുര്യത്തിൽ,
വഞ്ചനയുടെ വിഷമുനകൾ മാത്രമായിരുന്നു.

October 27, 2011

വിലക്കപ്പെട്ട കനി


എല്ലാവർക്കും വേണം ഒരെണ്ണം!

October 09, 2011

വെറുപ്പിന്റെ മന:ശ്ശാസ്ത്രം

അന്നവൾ സുന്ദരമായ ദിവാസ്വപ്നമായിരുന്നു
അവളുടെ വാക്കുകൾ മധുരതരമായിരുന്നു
അവളുടെ ചിരി ആനന്ദകരമായിരുന്നു
അവളുടെ കണ്ണിൽ സ്നേഹം ഞാൻ കണ്ടു
അന്ന് അവളോട് എനിക്കു പ്രണയമായിരുന്നു

ഇന്നവളുടെ കണ്ണിൽ വെറുപ്പ് ഞാൻ കാണുന്നു
അവളുടെ ചിരിയിൽ പരിഹാസം
അവളുടെ വാക്കുകൾക്ക് കൂരമ്പിന്റെ മൂർഛ
അവൾ ഉറക്കം കളയുന്ന ദു:സ്വപ്നമായിരിക്കുന്നു
ഇന്ന് എനിക്കവളെ വെറുപ്പാണ്‌,

October 02, 2011

September 04, 2011

കുളം (ഫോട്ടോ)


പടത്തില്‍ ക്ലിക്കിയാല്‍ വലുതായി കാണാം

കഴിഞ്ഞ ദിവസങ്ങളിലെ മഴ കുളം നിറച്ചു. ഇത് ഞങ്ങളുടെ സ്വന്തം നീന്തല്‍ കുളം!!


August 18, 2011

അണ്ണ ഹസാരെ

Anna Hazare
പടത്തില്‍ ക്ലിക്കിയാല്‍ വലുതായി കാണാം
അണ്ണ ഹസാരെ

August 12, 2011

സ്വാതന്ത്ര്യം (വര)

സ്വാതന്ത്ര്യം
എല്ലാവര്‍ക്കും എന്റെ മുന്‍‌കൂര്‍ സ്വാതന്ത്ര്യദിനാശംസകള്‍ !!
-

August 07, 2011

നിറങ്ങളുടെ ബഹുഭുജം

ബഹുഭുജം
വലുതായി കാണാന്‍ പടത്തില്‍ ക്ലിക്കുക 
ഫ്ലാഷ് വര. നിറങ്ങളുടെ ബഹുഭുജം. ഇതിന്റെ അര്‍ത്ഥം ചോദിക്കരുത്.

August 02, 2011

സന്തോഷം

ഗഡീ, കാശില്ലാതെ എന്തൂട്ടു സന്തോഷം?

July 29, 2011

അസ്തമനം (വര)

ആര്‍ട്ട്‌ റേജ് എന്ന സോഫ്റ്റ്‌വെയര്‍ ഉപയോഗിച്ച് കമ്പ്യൂട്ടറില്‍ വരച്ച ഒരു പടം. അസ്തമന കവിത ഇവിടെ.

July 10, 2011

അസ്തമനം

നിറം ചുവപ്പായിരുന്നു, കടും ചുവപ്പ്.
അവസാന ആളിക്കത്തലിന്റെ രൂക്ഷതയോ
രക്തം വാര്‍ന്നോലിച്ചതിന്റെ നിസ്സഹായതയോ?
അവസാനം അടുത്തിരിക്കുന്നു..
തിരമാലകള്‍ ആര്‍ത്തലച്ചു, സമുദ്രത്തിന്റെ അട്ടഹാസം!!
എങ്ങും ഉപ്പിന്റെ ഗന്ധം.
അസ്തമിക്കാന്‍ സമയമായിരിക്കുന്നു
വീണ്ടും ഉദിക്കാന്‍, പ്രകാശം പടര്‍ത്താന്‍
അസ്തമിക്കാന്‍ സമയമായിരിക്കുന്നു...

June 10, 2011

ടിവി ധാർമികത

സ്വാശ്രയ കോളേജിൽ 50% മെറിറ്റ് സീറ്റ് കൊടുക്കണമെന്ന സർക്കാർ നിർദേശം നടപ്പിലാക്കിയാൽ കോളേജ് പൂട്ടേണ്ടി വരുമെന്ന് ഇടതു പക്ഷ മാനേജ്മെന്റ് നടത്തുന്ന കോളേജിന്റെ നടത്തിപ്പുകാരൻ ശുംഭന്‌ ബോധോദയം വന്നു.

പണ്ട് ഇതേ ശുംഭനും സഖാക്കളുമാണ്‌ ഈ നിയമം നടപ്പിലാക്കിയില്ല എന്നു പറഞ്ഞ് കുറേ കോളേജുകൾ തല്ലിപ്പൊളിച്ചത്. എന്നാൽ സ്വന്തം കോളേജിൽ എന്തും ആകാം!!

കുത്തക മുതാലാളികളെ ചീത്ത വിളിച്ചും കോലം കത്തിച്ചും നടന്ന യുവ വിപ്ലവൻ സ്വന്തം മകൾക്ക്‌ സ്വാശ്രയ കോളേജിൽ 50 ലക്ഷത്തിന്‌ സീറ്റ് സംഘടിപ്പിച്ചു.

സ്വാശ്രയക്കാരെ പൂട്ടിക്കാൻ കോളേജായ കോളേജുകളിൽ ദിവസങ്ങളോളം സമരം നടത്തി കുറേ പിള്ളേരുടെ ഭാവി തുലപ്പിച്ച നേരം സ്വന്തം മക്കളെ ബൂർഷ്വാ രാജ്യത്തയച്ച് പഠിപ്പിച്ച മൂത്ത നേതാക്കളെ കണ്ടല്ലെ പിള്ള സഖാക്കളും വളരുന്നത്!! ഇതൊക്കെ സംഭവിക്കും!!

നേരു നേരത്തെ അറിയിക്കുന്ന ചാനലുകളിലും, പത്രങ്ങളിലും, ആശയങ്ങൾ പൂഴ്ത്തിവെക്കാത ബ്ലോഗുകളിലും ഇതൊക്കെ ഒരു വാർത്ത ആകുമൊ?

ആ.....

June 05, 2011

ദുര്‍ഗ (വര)

Durgaപടത്തില്‍ ക്ലിക്കിയാല്‍ വലുതായി കാണാം
ഇതെന്റെ കുഞ്ഞനിയത്തി, ദുര്‍ഗ.

June 01, 2011

എഴുതാനറിയാത്തവന്റെ ജീവചരിത്രം

അവൻ നന്നായി ചിത്രം വരക്കുമായിരുന്നു.
പെൻസിലിന്റെ കൂർത്ത മുന കൊണ്ട് വരക്കുന്ന,
തിരമാലകളുടെ ഒഴുക്കുള്ള, നേർത്ത വരകളെ അവൻ പ്രണയിച്ചു.

അതുകൊണ്ടു തന്നെ അക്ഷരങ്ങൾ അവനു കൌതുകം നിറഞ്ഞ വരകളായിരുന്നു.
ആക്ഷരങ്ങളുടെ വളവുകളിലും കുനിപ്പുകളിലും അവന്റെ നോട്ടങ്ങൾ തങ്ങി നിന്നു.
കൈകൾ ഉറച്ച പ്രായത്തിൽ എഴുത്തു പഠിക്കാൻ പോകുവാൻ അവനു ഉത്സാഹമായിരുന്നു..

പക്ഷെ...
അവന്റെ പ്രതീക്ഷകൾ സ്ഥാനം തെറ്റുന്നതു അവനറിഞ്ഞു..

അവനെ മോഹിപ്പിച്ച വരകളിൽ അവന്റെ വിരലുകൾ കുരുങ്ങുന്നതവൻ കണ്ടു..
നിരാശയോടെ...
വരകളെ ഒരുപാട് സ്നേഹിച്ചവന്‌ അക്ഷരങ്ങളുടെ വരകൾ അന്യമാകുന്നതവനറിഞ്ഞു..
നിശ്വാസത്തോടെ..
സഹപാഠികളുടെ കളിയാക്കലുകൾ അവൻ കെട്ടു...
വേദനയോടെ..

സമൂഹം അവനൊരു പേര്‌ ചാർത്തിക്കൊടുത്തു..
‘എഴുതാനറിയാത്തവൻ’

May 23, 2011

കൊതുക് (കുട്ടികവിത)

കൊതുകേ കൊതുകേ പാറി പോകൂ
എന്നെ വന്നു കടിക്കല്ലേ..

എന്നെ വന്നു കടിച്ചെന്നാലോ
എന്നുടെ ദേഹം നീറില്ലേ..

ഇനിയും വന്നു കടിച്ചെന്നാൽ
നിന്നുടെ കഥ ഞാൻ തീർക്കൂലോ!!

May 08, 2011

മുഖം മൂടി (വര)

വലുതായി കാണാന്‍ പടത്തില്‍ ക്ലിക്കുക

May 06, 2011

ഒരു തൊഴിലാളിയുടെ നയ വഞ്ചന

അങ്ങനെ ബ്രിട്ടാസ് ചാനൽ വിട്ടു.
തുടങ്ങി തൊഴിലാളി പാർട്ടിക്കാർക്ക്...അസ്വസ്ഥത
മുഖ്യൻ മുതൽ സെക്രട്ടറി വരെ.
പാവം തൊഴിലാളി ഇപ്പൊ വർഗ്ഗ ശത്രുവായി.
കേരളത്തിലെ ഒരു കമ്പനിയിലെ തൊഴിലാളി വേറെ ഒരു കമ്പനിയിലേക്ക് മാറിയതിന്‌ ഇവന്മാർക്കെന്താ ഇത്ര വിഷമം?
ടിയാനു ശംബളം കൊടുത്തിരുന്നത് പാർട്ടി ആയിരുന്നൊ?
ടിയാൻ ജോലി എടുത്തിരുന്ന സ്ഥാപനം പാർട്ടി വഹ ആയിരുന്നൊ?
അല്ല എന്നാണ്‌ എന്റെ അറിവ്. പിന്നെ എന്തിനാ ഈ മേളം?

അയാൾ എന്താ തൊഴിലാളി അല്ലെ?
കൂടുതൽ നല്ല ഒരു ജോലി കിട്ടിയാൽ അയാൾക്ക് അങ്ങോട്ട് പൊക്കൂടെ?
അതോ അങ്ങനെ ഏതു തൊഴിലാളിക്കും തോന്നുമ്പോൾ വിട്ടുപോകാൻ പറ്റാത്ത സ്ഥാപനമാണോ ഒരു ജനതയുടെ ആത്മാവിഷ്കാരം?
നമ്മൾ വിചാരിക്കുന്ന പോലെ ഉള്ള ഒരു കമ്പനി അല്ല എന്നു തോന്നുന്നു ഈ മലയാളം കമ്മ്യൂണിക്കേഷൻസ്.
ജോലിക്ക് പ്രതിഫലമായി നമ്മുടെ ആത്മാവ് അവർക്ക് എഴുതിക്കൊടുക്കണൊ?
എനിക്കറിയില്ല..

ഏതായാലും പാർട്ടിക്കാർക്കും കൊച്ചു പാർട്ടിക്കാർക്കും കത്തിച്ചാർമാദിക്കാൻ ഒരു പുതിയ വർഗ്ഗ ശത്രു കോലം കൂടി കിട്ടി!!

May 01, 2011

പട്ടി കുട്ടി (വര)

Pal

പടത്തില്‍ ക്ലിക്കിയാല്‍ വലുതായി കാണാം

April 29, 2011

തുമ്പി


പടത്തില്‍ ക്ലിക്കിയാല്‍ വലുതായി കാണാം

April 08, 2011

വിലാസ മാറ്റം

പ്രിയ ബൂലോകരെ, ഇന്ന് മുതല്‍ ഈ ബ്ലോഗിന്റെ വിലാസത്തില്‍ ഒരു ചെറിയ മാറ്റം വരുത്തിയിരിക്കുന്നു.

പഴയ വിലാസം > http://swanthamlekhakan.blogspot.com/

പുതിയ വിലാസം > http://swale.ranjithj.in/

March 26, 2011

ഉത്തരമില്ലാത്തവന്‍

എന്റെ കണ്ണുകള്‍ അവളെ തേടി അലയുന്നു
എന്റെ കാതുകള്‍ അവളുടെ സ്വരം കേള്‍ക്കാന്‍ കൊതിക്കുന്നു
എന്റെ കരങ്ങള്‍ അവളെ പുണരാന്‍ വെമ്പല്‍ കൊള്ളുന്നു
എന്നാണവള്‍ എനിക്കേറ്റവും  പ്രിയപ്പെട്ടവളായത്? എനിക്കറിയില്ല....


March 06, 2011

തോട്ടാര്‍വാടി



പടത്തില്‍ ക്ലിക്കിയാല്‍ വലുതായി കാണാം


തോട്ടാര്‍വാടി
എന്റെ ഒരു പഴയ പടം. 2 വര്‍ഷങ്ങള്‍ക്കു മുമ്പ് ഒരു ഹര്‍ത്താല്‍ ദിനത്തില്‍ ക്യമെരയുമായി ഓടി നടന്നതിന്റെ ഫലം. ലൈറ്റ് റൂം, ഫോട്ടോഷോപ്പ്, പികാസ എന്നിവ ഉപയോഗിച്ച് എഡിറ്റ്‌ ചെയ്തു വീണ്ടും അപ് ലോടിയിരിക്കുന്നു.

March 02, 2011

അഭിപ്രായ സ്വാന്തന്ത്ര്യം (വര)


പടത്തില്‍ ക്ലിക്കിയാല്‍ കുറച്ചു കൂടി വലുതായി കാണാം.

അഭിപ്രായ സ്വാന്തന്ത്ര്യം
ജാഗ്രതൈ!! അവകാശങ്ങള്‍ എല്ലാവര്‍ക്കും ഉണ്ട്!!!

February 18, 2011

വേണോ? വേണ്ടേ? -2 (വര)


പടത്തില്‍ ക്ലിക്കിയാല്‍ കുറച്ചു കൂടി വലുതായി കാണാം.

വേണോ? വേണ്ടേ?
(ചിത്രം 2)
മൌനം വിദ്വാനു ഭൂഷണം

February 15, 2011

വേണോ? വേണ്ടേ? (വര)


പടത്തില്‍ ക്ലിക്കിയാല്‍ കുറച്ചു കൂടി വലുതായി കാണാം.

വേണോ? വേണ്ടേ? (വര)

എന്റെ വേറെ ഒരു ബൌധിക-താത്വിക വര. ഇത് കണ്ടു കരയണോ ചിരിക്കണോ അതോ വേറെ എന്തെങ്കിലും തോന്നുമോ?

February 09, 2011

സ്വന്തം ലേഖകന്‍ (വര)



പടത്തില്‍ ക്ലിക്കിയാല്‍ കുറച്ചു കൂടി വലുതായി കാണാം.
സ്വന്തം ലേഖകന്‍ (വര)

January 28, 2011

പടംപിടുത്തക്കാരന്‍ (വര )


പടത്തില്‍ ക്ലിക്കിയാല്‍ കുറച്ചു കൂടി വലുതായി കാണാം

പടംപിടുത്തക്കാരന്‍
ഒരു കമ്പ്യൂട്ടര്‍ വര. സംശയിക്കേണ്ട, മോഡല്‍ ഞാന്‍ തന്നെ.

January 19, 2011

ഐഡിയ ( വര )


ഐഡിയ

LinkWithin

Blog Widget by LinkWithin

LinkWithin