മറുനാടുകളിലെ വിയര്‍പ്പിന് പകരം ചോര പൊടിയുന്ന പണിശാലകളില്‍ ആരോഗ്യം ഹോമിച്ച് വെട്ടിപ്പിടിച്ച സ്വത്ത് സോളാര്‍ തട്ടിപ്പ്, ജോലി തട്ടിപ്പ്, വിസ തട്ടിപ്പ്, നൈജീരിയ തട്ടിപ്പ്, സീറ്റ് തട്ടിപ്പ് എന്നിങ്ങനെ പലവിധമായ തട്ടിപ്പുകളില്‍ കൊണ്ട് കൊടുത്ത് ആപ്പില്‍ ആയവരും, സ്ത്രീകളുടെ മാനം കവര്‍ന്നു അന്തരംഗം അഭിമാനപൂരിതമാക്കുന്ന പകല്‍ മാന്യന്മാരും, ബൂസ്റ്റ് കുടിച്ചു നടക്കേണ്ട പ്രായത്തില്‍ ബൂസിനും (മദ്യം) മയക്കുമരുന്നുകള്‍ക്കും പുറകെ ഓടുന്ന ന്യൂ ജനറേഷന്‍ ആണ്‍-പെണ്‍ പിള്ളാരും അവര്‍ക്ക് കൂട്ടായ് കഞ്ചാവിന്റെ കദന കഥ സിനിമയാക്കി ആ സിനിമ വില്‍ക്കാന്‍ വിശ്വാസങ്ങളെ ഒറ്റികൊടുത്ത് ആവിഷ്കാര സ്വാതന്ത്ര്യം എന്ന പര്‍ദ്ദക്കുള്ളില്‍ ഒളിക്കുന്ന സിനിമാക്കാരും, ഖജനാവില്‍ കയ്യിട്ട് വാരുന്ന ഭരണാധികാരികളും, അത് കണ്ടസൂയപൂണ്ട് ഹാലിളകി നടക്കുന്ന പ്രതിപക്ഷവും, ഇതെല്ലാം കൂടി കലക്കി കുപ്പീലാക്കി സ്വന്തം പേരെഴുതി ഒട്ടിച്ച് വിക്കാന്‍ നടക്കുന്ന മാധ്യമ വിദൂഷകരും, ഈ കലക്ക വെള്ളത്തില്‍ കാശ് വാരുന്ന മറുനാടന്‍ തൊഴിലാളികളും ഒക്കെ അടങ്ങുന്ന എന്റെ സ്വന്തം കേരളത്തിനു പിറന്നാളാശംസകള്‍, ബ്രോ!
No comments:
Post a Comment