പുതുവര്‍ഷത്തിനൊരുണര്‍ത്തുപാട്ട്

കിഴക്കു തെളിഞ്ഞൊരു ദീപമത്രെ
ചിങ്ങപ്പുലരിതൻ സൂര്യോദയം
കർക്കിടകത്തിന്നന്ധകാരം
കശക്കിയെറിഞ്ഞിടും ദീപനാളം
പഞ്ഞമാസത്തിലൊഴിഞ്ഞറകൾ
പലകുറിനിറക്കുമീചിങ്ങമാസം
ഇന്നിന്റെ കളവും ചതിയുമെല്ലാ
മില്ലാതെയാക്കുമീ മൃഗരാജമാസം.
ഓണവും കാണണം, വീട്ടിലും കൂടണം
ബന്ധങ്ങളെല്ലാം വിളക്കി ചേർക്കാൻ,
ഒരുമയോടങ്ങനെ നീങ്ങിടേണമീ
പുതുവർഷം സമ്പൽ സമൃദ്ധമാകാൻ
നാടിനും വീടിനും നന്മപകരാനൊ
രുമിക്കണം മാലോകരീ ചിങ്ങമാസം!