February 23, 2010

ഒരു ബ്ലോഗുല്പത്തിക്കഥ

ഒരു പുതിയ ബ്ലോഗ് ഉണ്ടാക്കണമെന്ന മോഹവുമായാണ്‌ ഞാന്‍ അയാളുടെ അടുത്ത് പോയത്.

ബ്ലോഗെന്നു കേട്ടപ്പോള്‍ വിഷയമെന്താണെന്നായി ചോദ്യം. തിരുമാനിച്ചില്ലെന്ന് ഞാന്‍ ...

അവര്‍ണ്ണ - സവര്‍ണ്ണ -സംവരണ ബ്ലോഗ് പറ്റുമൊ?
സോറി, ഞാന്‍ മാധ്യമമോ, മാതൃഭൂമി, മലയാളം പോലെയുള്ള 'മ' വാരികകളൊ വായിക്കാറില്ല. വായിക്കാന്‍ സമയം കിട്ടാറില്ല.

എന്നാല്‍ രാഷ്ട്രീയം? വെറുതെ പത്രത്തില്‍ വരുന്നത് അടിച്ചു കേറ്റിയാല്‍ മതി..
സോറി, സ്വന്തമായി എന്തെങ്കിലും എഴുതാനാണ്‌ താത്പര്യം

അപ്പൊ അതും പറ്റില്ല. എന്നാല്‍ ഹിന്ദു- മുസ്ലിം- ക്രിസ്ത്യാനി ജാതിക്കളി ആയാലൊ?
ഞാന്‍ യുക്തിവാദിയാണ്‌. ദൈവത്തില്‍ വിശ്വാസമില്ല

എന്നാല്‍ കലാകൊല ആയാലൊ?കവിത, പടം വര, ഫോട്ടൊ, ആ ലൈന്‍
ഒട്ടും വേണ്ട, അറിയാത്ത കാര്യങളെ പറ്റി ബ്ളോഗില്ല എന്നു ഞാന്‍ തിരുമാനിച്ചിട്ടുണ്ട്.

പിന്നെ എന്തു കോപ്പിനാടൊ താന്‍ ബ്ലോഗാന്‍ വന്നെ?

എനിക്ക് എന്റെ തെറ്റ് മനസ്സിലായി. ലാപ്ടോപ് അടച്ച് ഉറങാന്‍ പോയി. അങനെ പോസ്റ്റുകളില്ലാത്ത മറ്റൊരു അനാധ ബ്ലോഗു കൂടി ബ്ലോഗ്സ്പോട്ടില്‍ അവശേഷിച്ചു..

2 comments:

സാപ്പി said...

യുക്തിവാദിയാണെങ്കില്‍ ഒരു ജബ്ബാര്‍ മാഷ്‌ സ്റ്റൈല്‍ ബ്ളോഗ്‌ തുടങ്ങ്‌ മാഷേ... ബീഡികിട്ടിയില്ലെങ്കിലും തീപെട്ടിയെങ്കിലും കിട്ടും.....

രഘുനാഥന്‍ said...

കണ്ണില്‍ കാണുന്ന ബ്ലോഗുകളെ ഒക്കെ പിടിച്ചു നിരൂപിക്കാനായി ഒരു ബ്ലോഗുണ്ടാക്കൂ മാഷേ ...രണ്ടു ദിവസം കൊണ്ട് ക്ലിക്കും..

LinkWithin

Blog Widget by LinkWithin