September 07, 2014

ഹാപ്പി ഓണം

സമയം തെറ്റിയ ചിങ്ങക്കാറുകൾ
അർക്കനെയങ്ങുമറച്ചൊരുനേരം,
ചറപറ പെയ്തൊരുമഴയിൽ
കുളിച്ചൊരുങ്ങിയ പൂക്കൾകൊണ്ട്
ഓണത്തപ്പനെ ഒന്നെതിരേൽക്കാൻ
പൂക്കളമൊന്നൊരൊക്കിയ നേരം,
തുമ്പപ്പൂവും മുക്കുറ്റിയുമാ പൂക്കളനടുവിലിറങ്ങിയിരിക്കെ,
ഓണസദ്യയും പായസോമുണ്ടാ-
കുമ്മാട്ടിക്കളിയതൊന്നു കണ്ടാ-
കോലായിലങ്ങവിടെയിരിക്കെ,
സ്വീകരണ മുറിയുടെ മൂലക്കിരിക്കും
ടിവിപ്പെട്ടിയിൽ തെളിഞ്ഞൊരു
പരസ്യമെന്നോടായിങ്ങനെ മൊഴിഞ്ഞു:
"ഹാപ്പി ഓണം, ഹാപ്പി ഓണം
വിഷ് യു ഓൾ എ ഹാപ്പി ഓണം*"

*കണ്ടീഷൻസ് അപ്ലൈ

No comments:

LinkWithin

Blog Widget by LinkWithin