Skip to main content

നിര്‍ത്തേണ്ട ആചാരങ്ങള്‍: ഒരു താത്വികാവലോകനം

ഹൈന്ദവ വിശ്വാസ പ്രാമാണങ്ങള്‍ പിന്തുടരുന്നവരും, ടിയാന്മാരുടെ ആരാധനാലയങ്ങളിലും പിന്തുടര്‍ന്ന് വരുന്ന ചില 'ദുരാ'ചാരങ്ങള്‍ അവസാനിപ്പിക്കണമെന്നു ശ്രീമതി മേനക ഗാന്ധി പോലും വധശിക്ഷക്ക് വിധിച്ച ശുനക ശ്രേഷ്ഠന്‍മാര്‍ വരെ ആവശ്യമുന്നയിക്കുന്ന ഈ അവസരത്തില്‍ താഴെ പറയുന്ന സൊ കോള്‍ഡ് 'ആചാരങ്ങള്‍' കൂടി നിര്‍ത്താന്‍ അപേക്ഷ. ഓരോ ആചാരത്തിനു അനുയോജ്യ ഹാഷ്ടാഗ് കണ്ടുപിടിച്ചു തരുന്നവര്‍ക്ക് കുറച്ച് കൂടുതല്‍ പുണ്യം ലഭിക്കുന്നതാണ്.

  1. ആണ്‍ വര്‍ഗത്തില്‍ പെട്ട മനുഷ്യന്മാരെ 
    1. മേല്‍വസ്ത്രം ധരിച്ച് അമ്പലത്തില്‍ പ്രവേശിക്കാന്‍ അനുവദിക്കുക
    2. പാന്റ്/ജീന്‍സ് മുതലായ പാശ്ചാത്യ വേഷവിധാനങ്ങള്‍ ധരിച്ചാലും പ്രവേശനം അനുവദിക്കുക (ഇത് സ്ത്രീജനങ്ങള്‍ക്കും ബാധകം)
  2. 'അഹിന്ദുക്കള്‍ക്ക്' പ്രവേശനം അനുവദിക്കുക. ഇത് ഇന്ത്യയാണ്. എല്ലാ ഇന്ത്യന്‍ പൌരനും ഇന്ത്യയില്‍ എവിടെയും പ്രവേശിക്കാനുള്ള അവകാശമുണ്ട്. മതം നോക്കി ഒരാള്‍ക്ക് ഒരു കെട്ടിടത്തില്‍ പ്രവേശനം നിഷേധിക്കരുത്.
  3. പൂജാരി അല്ലാത്തവരെയും ശ്രീകോവിലില്‍ കയറ്റുക. ഇപ്പോള്‍ നടക്കുന്നത് ബ്രാഹ്മിനിക്കല്‍ അധിനിവേശമാണ്. 
  4. പൂജാരിയെ മാറ്റാത്ത സ്ഥലങ്ങളില്‍ പൂജ ചെയ്യുമ്പോള്‍ നട അടക്കാതിരിക്കുക. പുള്ളി എന്താണവിടെ കാണിക്കുന്നത് എന്ന് അറിയാന്‍ വഴിപാടു ശീട്ട് എടുത്ത ഓരോ ഭക്തനും അവകാശമുണ്ട്.
  5. പുലയാചാരണവും, ടി കാലത്ത് അമ്പലപ്രവേശനം നിഷേധിക്കുകയും ചെയ്യുന്ന പ്രവണത ഇല്ലാതാക്കുക. വീട്ടില്‍ ഒരാള്‍ മരിച്ചു എന്ന് വിചാരിച്ച് ജീവിച്ചിരിക്കുന്നവര്‍ക്ക് ദൈവത്തെ കാണണ്ടേ?
  6. കുളിച്ചു ശുദ്ധമായെ അമ്പലത്തില്‍ പോകാവു മുതലായ തത്വങ്ങള്‍ എടുത്തു കാട്ടില്‍ കളയാം. ജലലഭ്യത കുറഞ്ഞുവരുന്ന ഈ കാലത്ത് അമ്പലത്തില്‍ കയറുന്നതിനു വേണ്ടി കുളികുന്നവരുടെ എണ്ണം കുറയുകയും തദ്വാരാ അത്രയും വെള്ളം ലാഭിക്കുകയും ചെയ്യാം.
  7. അമ്പലം 24 മണിക്കൂറും പ്രവര്‍ത്തിപ്പിക്കുക. നട്ടപ്പാതിരാക്ക് ദൈവവിളി വന്നാല്‍ എങ്ങനെ പ്രാര്‍ഥിക്കും? കൂടാതെ ഇപ്പോഴും പ്രവേശനം സാധ്യമാകുക വഴി അമ്പലങ്ങള്‍ ആയുധപ്പുരകള്‍ ആയി മാറാതെ പരിരക്ഷിക്കാം.  
  8. ജനസംഖ്യാനുപാതികമായി ആരാധാനലയങ്ങളുടെ എണ്ണം ക്രമീകരിക്കുന്നതിന്റെ ഭാഗമായി അധികമുള്ള ക്ഷേത്രങ്ങള്‍ (മാത്രം) പൊളിച്ചു കളയുന്നത് നല്ലതാകും  
 

തല്‍ക്കാലം ഇത്രയും. ഇനിയും വല്ലതും ഓര്‍മ്മ വന്നാല്‍ ഇതില്‍ ചേര്‍ക്കാം.  

Comments

നട്ടപ്പാതിരാക്ക് ദൈവവിളി വന്നാല്‍ ...

alla pinne!! :)

ജനപ്രിയ പോസ്റ്റുകള്‍

കറന്‍സി രഹിത ലോകം

യൂറോപ്യന്‍ രാജ്യമായ സ്വീഡന്‍ 2020ആകുമ്പോഴേക്കും ലോകത്തിലെ ആദ്യ കറന്‍സി രഹിത രാജ്യമായി മാറാന്‍ തയ്യാറെടുക്കുകയാണ്. ബിറ്റ് കോയിന്‍ പോലുള്ള രാജ്യാന്തര-സ്വതന്ത്ര ക്രിപ്ടോകറന്‍സികളും വേരുറപ്പിച്ചു കഴിഞ്ഞിരിക്കുന്നു. തുടങ്ങിയിരിക്കുന്നു. ഇടപാടുകള്‍ അതിവേഗം നൂതനസംവിധാനങ്ങലിലെക്ക് മാറുകയാണ്. ഇതെല്ലാം കാണാതെ നാം കണ്ണടച്ചു ഇരുന്നാല്‍ രണ്ടോ മൂന്നോ ദശാബ്ദങ്ങള്‍ കൊണ്ട് നമ്മുടെ ലോകം പൊട്ടക്കിണര്‍ മാത്രമായി ചുരുങ്ങും. അതുകൊണ്ട് തന്നെ കറന്‍സി രഹിത സമ്പദ് വ്യവസ്ഥ എന്നത് വിപ്ലവകരമായ, നല്ല ഒരാശയാമാണ്.
ഇന്ത്യയെ പോലെ ഭൂമിശാസ്ത്രപരമായും, ജനസംഘ്യാപരമായും, സാംസ്കാരികമായും വൈവിധ്യമുള്ള ഒരു രാജ്യത്ത് ഇരുപതോ-ഇരുപത്തഞ്ചോ വര്‍ഷംകൊണ്ട് മാത്രമേ ഇത്തരമൊരു നീക്കം സാധ്യമാകു. കൃത്യമായ തയ്യാറെടുപ്പോടെ നടത്തേണ്ട ഒരു വലിയ എക്സര്‍സൈസ് ആണ് കറന്‍സി ഡിജിറ്റൈസേഷന്‍.
എന്താണ് ഈ ഡിജിറ്റല്‍ കറന്‍സി? കറന്‍സി രഹിതം എന്ന് പറയുമ്പോള്‍ 'രൂപ' അപ്രത്യക്ഷമാകാന്‍ പോകുന്നില്ല. ഇപ്പോള്‍ കറന്‍സി നോട്ടായും നാണയങ്ങളായും ഉള്ള പണത്തിന്‍റെ വിനിമയം കുറയ്ക്കുകയാണ് (ആത്യന്തികമായി പൂര്‍ണ്ണമായും ഇല്ലാതാക്കുക) 'കറന്‍സി രഹിതം' എന്നതുകൊണ്…

തറ പറ: നിങ്ങളെന്നെ ബുലോഗിയാക്കി...

കുറെ മലയാളം ബുലോഗുകള്‍ വായിച്ചപ്പോള്‍ എന്തെങ്കിലൊമൊക്കെ എഴുതണമെന്നു തോന്നി..സ്വാഭാവികമായും അന്തസ്സുള്ള ഒരു മലയാളിയാണെങ്കില്‍ ഒരുത്തന്‍ നന്നാവുന്ന കണ്ടാല്‍ ഉടനെ അവനെ അനുകരിക്കും. അതുകൊണ്ട്‌ ഞാനും ആ വഴിക്കു നീങ്ങാന്‍ തിരുമാനിച്ചു.

പക്ഷെ ചാടിക്കഴിഞ്ഞപ്പൊള്‍ അണ്‌ അബദ്ധം മനസ്സിലയത്‌.. എഴുതാനായി പ്രത്യേകിച്ച്‌ ഒന്നും തൊന്നുന്നില്ല. അധവാ ഒറ്റവാക്കില്‍ പറഞ്ഞാല്‍ 'വിഷയരാഹിത്യം'. പക്ഷേ പറ്റാനുള്ളത്‌ പറ്റിക്കഴിഞ്ഞു. എന്തായലും ചാടി, ഇനി കുളിച്ചു തന്നെ കയറാം എന്നു തിരുമാനിക്കെണ്ടി വന്നു.പണ്ട്‌ 5 ലൊ 6 ലൊ പഠിച്ച ഒരു ഇംഗ്ലീഷ്‌ പഴഞ്ചൊല്ല് ഒര്‍മ്മ വന്നു look before you leap.എന്നാല്‍ തോല്‍വി സമ്മതിക്കാന്‍ മനസ്സുവന്നില്ല.അതുകൊണ്ടുാണ്‌ രണ്ടും കല്‍പിച്ച്‌ ഈ ചവറെല്ലാം അടിച്ചു കൂട്ടുന്നത്‌.ഇതു വായിച്ച്‌ ഹൃദയാഘാതം ആര്‍ക്കെങ്കിലും ഉണ്ടായാല്‍.. പ്ലീസ്‌, ഞാന്‍ ഉത്തരവാദിയല്ല....നേരത്തെ പറഞ്ഞപൊലെ ഇതെന്റെ അദ്യത്തെ ബുലൊഗ്‌ അണ്‌. ഇതിനുമുന്‍പ്‌ എഴുതാന്‍ തോന്നാത്ത്‌ എന്റെ അയുസ്സിന്റെ വലുപ്പം കൊണ്ടാണെന്നു ചിലര്‍ക്കെങ്കിലും തോന്നിപ്പോയെക്കാം.വരാനുള്ളത്‌ വഴിയില്‍ തങ്ങില്ല,എങിനെയെങ്കിലും അതു ലക്ഷ്യസ്ഥാനത്ത്‌ എത്തിക്…

ടു ജിയോ ഓര്‍ നോട്ട് ടു ജിയോ

റിലയന്‍സ് ജിയോ ഈ കഴിഞ്ഞ ദിവസങ്ങളില്‍ പ്രഖ്യാപിച്ച ഓഫറിന്റെ പൊള്ളത്തരങ്ങള്‍ എണ്ണമിട്ടെഴുതിയ എന്റെ ഒരു സുഹൃത്തിന്റെ ഒരു ലേഖനമാണ് ഇപ്പോള്‍ ഇങ്ങനെ ഒരു വിശകലനം നടത്താന്‍ എന്നെ പ്രേരിപ്പിച്ചത്. ഒറ്റനോട്ടത്തില്‍ വളരെ നല്ലത് എന്ന് തോന്നുമെങ്കിലും കറകളഞ്ഞ വ്യാപാരിയായ മുകേഷ് അംബാനി ഒന്നും കാണാതെ പോതുജനോദ്ധാരണം മാത്രം മുന്‍നിര്‍ത്തി പ്രവര്‍ത്തിക്കാനുള്ള സാധ്യത വളരെ കുറവാണ് എന്നൊരു തിരിച്ചറിവും നമുക്ക് വേണം. വിഷയത്തിലേക്ക് വരാം:
എന്താണ് ജിയോ ഓഫര്‍? കേവലം 1500 രൂപ ജിയോയില്‍ 'നിക്ഷേപിച്ചാല്‍' മൂന്നു വര്‍ഷത്തേക്ക് ഉപയോഗിക്കാന്‍ ഒരു ഫോണ്‍ അവര്‍ തരുന്നു. കാലാവധി കഴിയുമ്പോള്‍ ഫോണ്‍ തിരികെ നല്‍കിയാല്‍ നിക്ഷേപം തിരികെ തരും. ഈ കാലയളവില്‍ 149രൂപ/309 രൂപ മുതലായ മാസ വരിസംഖ്യ (28 ദിവസം) നല്‍കിയാല്‍ ജിയോ സേവനങ്ങള്‍ ഉപയോഗിക്കാം.
ഒറ്റനോട്ടത്തില്‍ വളരെ നല്ല പ്ലാന്‍. ഇനി നമുക്ക് ഒന്ന് വിശദമായി നോക്കാം:
സൌജന്യ ഫോണ്‍  മൂന്നു വര്‍ഷത്തിനു ശേഷം ഫോണ്‍ തരികെ നല്‍കി ആദ്യം നല്‍കിയ നിക്ഷേപം തിരികെ കിട്ടുമ്പോള്‍ മാത്രമാണ് നിങ്ങള്‍ക്ക് ഫോണ്‍ 'സൌജന്യമായി ലഭിച്ചു' എന്ന് പറയാന്‍ സാധിക്കു. മൂന്നു വര്‍ഷത്തിനുള്ളില്‍ ഫ…