Skip to main content

സംവരണം

OBC വിഭാഗത്തിന് 27% സംവരണം!!! സുപ്രീം കോടതി ഉത്തരവ്.

പണ്ട് ഒരു അഭിമുഖത്തില് ഇന്ഫോസിസ് തലവന് ശ്രീ നാരായണമൂര്ത്തി പറഞ്ഞ ഒരു വാചകം ഈ അവസരത്തില് ലേഖകന് ഓര്മ്മ വരുന്നു.
"ഈ ഭൂമിയില് 'പിന്നോക്കം' എന്നു മുദ്രകുത്തപ്പെടാന് മനുഷ്യര് തമ്മില് തമ്മില് മത്സരിക്കുന്ന ഒരേ ഒരു രാജ്യം ഇന്ത്യ ആണ്".

ദൈവത്തിനു സ്തുതി....

Comments

Dhaneesh K.P said…
സംവരണത്തിന്റെ ഭീകരത......
മൂര്‍ത്തിമാരുടെ കാര്യം‌ വിട്..
നൂറ്റാണ്ടുകളായി സം‌വരണം‌ അനുഭവിക്കുന്ന വിഭാഗങ്ങലെക്കുരിച്ചു
അദ്ദേഹത്തിന് ഒന്നും‌ പറയാനില്ലേ?
ദിനേശ് കെ.പി.......
ജാതിവ്യവസ്ഥതന്നെ സം‌വരണവ്യവസ്ഥയാണ്.
പിന്നോക്കക്കാര്‍‌ക്ക് നേരത്തേ തന്നെ സം‌വരണം ഇന്ത്യയിലുണ്ടായിരുന്നു. ഉയര്‍‌ന്ന ജാതിക്കാര്‍‌ക്കും സം‌വരണം‌ ഉണ്ടായിരുന്നു. ഇപ്പോള്‍‌ താഴ്ന്നജാതികള്‍ക്ക് ഉയര്‍‌ന്ന ജോലിയില്‍ സംവരണം‌ പ്രഖ്യാപിച്ചു എന്നു മാത്രം‌.
RJ said…
സംവരണം ആര്‍ക്കും ഒരു ഗുണവും ചെയ്യില്ല. merit ഉള്ളവര്‍ക്ക്‌ സാമ്പത്തിക സഹായം കൊടുക്കാം അല്ലാതെ markനല്ലാ കണ്‍സഷന്‍ കൊടുക്കേണ്ടത്‌...
ആര്‍.ജെ..
സംവരണം ആര്‍ക്കും ഒരു ഗുണവും ചെയ്തില്ലെന്നു ആരു പറഞ്ഞു?
പിന്നെ മാ‍ര്‍ക്കിനു എവിടെ കണ്‍സഷന്‍ കൊടുക്കുന്നു‍.
ഏതെങ്കിലും പരീക്ഷക്ക് ദളിതാണെന്നു വെച്ച് മാര്‍ക്ക് കൂടുതല്‍ കൊടുക്കുന്നത് നിങ്ങള്‍ എവിടെയാണ് കേട്ടത്?
ഉയര്‍ന്നജാതിക്കര്‍ക്ക് തുടര്‍ന്നുവരുന്ന സംവരണത്തെ നിങ്ങള്‍ എന്താണ് എതിര്‍ക്കത്തത്.?
ഉദാ: അമ്പലങ്ങളില്‍ പൂജാരി ജോലി നമ്പൂരികള്‍ക്ക് സംവരണം ചെയ്യുന്നതിനെ കുറിച്ച് എന്തു പറയുന്നു.
RJ said…
അമ്പലങ്ങളില്‍ പൂജാരിമാര്‍ക്ക്‌ സംവരണം? ഞാന്‍ കേട്ടിട്ടില്ല, 1000കണക്കിനു വര്‍ഷങ്ങളായുള്ള വിശ്വാസപ്രമാണങ്ങള്‍ മാറ്റണമെന്നു ഞാന്‍ പറയില്ല, കാരണം അതിനുള്ള 'വിവരം' എനിക്കില്ല.....
മാര്‍ക്കിനു കണ്‍സഷന്‍ എന്നു വെച്ചാല്‍ മാര്‍ക്ക്‌ കൂടുതല്‍ കൊടുക്കുകയല്ല. പല ജോലികള്‍ക്കും, വിദ്യാഭ്യാസ സ്ഥാപനങ്ങളിലും 'പിന്നോക്ക'കാര്‍ക്ക്‌ cut off മാര്‍ക്ക്‌ കുറവാണെന്നാണ്‌ ഞാന്‍ ഉദ്ദേശിച്ചത്‌. പ്രാഥമിക വിദ്യാഭ്യാസത്തില്‍ സംവരണത്തിനു ഞാന്‍ എതിരല്ല. എന്നാല്‍ IIT,IIM മുതലായ ഉയര്‍ന്ന വിദ്യാഭ്യാസ നിലവാരമുള്ള സ്ഥാപനങ്ങളിലും, ജോലികള്‍ക്കും 'കഴിവാ'കണം (അല്ലാതെ ജാതി അല്ല) മാനദണ്ഡം എന്നാണ്‌ എന്റെ നിലപാട്‌.
പിന്നെ ഒരു അമ്പലത്തിലെ പൂജാരി എന്ന സ്ഥാനവും, IIM-അഹമ്മദാബാദില്‍ അദ്മിഷനും തമ്മില്‍ വലിയ അന്തരമുണ്ട്‌. സംസ്കൃതം പഠിച്ച്‌, പൂജാവിധികള്‍ പഠിച്ച്‌ യഥാവിഥി ജീവിക്കുന്ന ആര്‍ക്കും പൂജാരി ആകാം. പക്ഷെ അങ്ങനെ ഉള്ള എത്ര പേര്‍ ഉണ്ടെന്നു എനിക്കു അറിയില്ല...
RJ
ശാന്തിപ്പണി പഠിച്ച് എല്ലാ ക്ഷേത്രങ്ങളിലും‌
ശാന്തിപ്പണി ചെയ്യാന്‍ പറ്റില്ല.
ഉദാഹരണം എത്രവേണമെങ്കിലും ഉണ്ട്.

നൂറ്റാണ്ടുകളായി ഉയര്‍ന്നജാതിക്കാര്‍ നേടിയെടുത്ത സംവരണാവകാശത്തെ (ഇപ്പോഴും തുടര്‍ന്നുവരുന്ന) നിങ്ങള്‍ വിശ്വാസ്പ്രമാണമെന്നു വിളിക്കുന്നു.
RJ said…
എന്റെ ഓര്‍മ്മ ശരിയാണെങ്കില്‍ കുറച്ചു കാലം മുന്‍പ്‌ നമ്പൂരിമാരല്ലാത്തവരെ ഏതോ ഒരു സങ്ഘടന മന്ത്രം പഠിപ്പിച്ച്‌ പൂജാരിമാരാക്കാന്‍ ശ്രമം നടത്തുകയുണ്ടായി. അതിന്റെ ഇപ്പോഴത്തെ അവസ്ഥ എന്താണെന്ന് എനിക്കറിയില്ല. മന്ത്രം പഠിക്കാത്തവര്‍ പൂജാരിമരാകാന്‍ പാടില്ല. അതുകൊണ്ട്‌ തന്നെ അവ അല്‍പമെങ്കിലും അറിയാവുന്ന ബ്രാഹ്മണരെ ശാന്തിക്കാരക്കുന്നു, അല്ലാതെ സംവരണമല്ല. (ഞാന്‍ ഒരു നമ്പൂരി അല്ല).

ഇപ്പോള്‍ 'പിന്നോക്കം' എന്നു വിളിക്കുന്നവര്‍ക്ക്‌ എന്നു മറ്റാരേക്കളും സങ്ഘബലവും, സങ്ഘടനാ ബലവും, പണവും കുറഞ്ഞപക്ഷം കേരളത്തിലെങ്കിലും ഉണ്ട്‌. ഒരു മന്ത്രിസഭ മറിച്ചിടാനൊ, തിരഞ്ഞെടുപ്പ്‌ ഫലം മാറ്റാനൊ കേവലം ഒരു നമ്പൂരി യോഗക്ഷേമ സഭയൊ, പിഷാരടി/ വാര്യര്‍ സമാജങ്ങളൊ വിചാരിച്ചാല്‍ നടക്കില്ല.എന്നാല്‍ ഈ സമുദായങ്ങളില്‍ സാമ്പത്തികമായി പിന്നോക്കം നില്‍ക്കുന്ന, സഹായം അര്‍ഹിക്കുന്ന കുറെ അധികം പേരുണ്ട്‌. അതുകൊണ്ട്‌ എന്റെ അഭിപ്രായത്തില്‍ പിന്നോക്കം എന്നു വെച്ചാല്‍ സാമ്പത്തിക പിന്നോക്കാവസ്ഥയാകണം അല്ലാതെ മതപരമാകരുത്‌.

ജനപ്രിയ പോസ്റ്റുകള്‍

കറന്‍സി രഹിത ലോകം

യൂറോപ്യന്‍ രാജ്യമായ സ്വീഡന്‍ 2020ആകുമ്പോഴേക്കും ലോകത്തിലെ ആദ്യ കറന്‍സി രഹിത രാജ്യമായി മാറാന്‍ തയ്യാറെടുക്കുകയാണ്. ബിറ്റ് കോയിന്‍ പോലുള്ള രാജ്യാന്തര-സ്വതന്ത്ര ക്രിപ്ടോകറന്‍സികളും വേരുറപ്പിച്ചു കഴിഞ്ഞിരിക്കുന്നു. തുടങ്ങിയിരിക്കുന്നു. ഇടപാടുകള്‍ അതിവേഗം നൂതനസംവിധാനങ്ങലിലെക്ക് മാറുകയാണ്. ഇതെല്ലാം കാണാതെ നാം കണ്ണടച്ചു ഇരുന്നാല്‍ രണ്ടോ മൂന്നോ ദശാബ്ദങ്ങള്‍ കൊണ്ട് നമ്മുടെ ലോകം പൊട്ടക്കിണര്‍ മാത്രമായി ചുരുങ്ങും. അതുകൊണ്ട് തന്നെ കറന്‍സി രഹിത സമ്പദ് വ്യവസ്ഥ എന്നത് വിപ്ലവകരമായ, നല്ല ഒരാശയാമാണ്.
ഇന്ത്യയെ പോലെ ഭൂമിശാസ്ത്രപരമായും, ജനസംഘ്യാപരമായും, സാംസ്കാരികമായും വൈവിധ്യമുള്ള ഒരു രാജ്യത്ത് ഇരുപതോ-ഇരുപത്തഞ്ചോ വര്‍ഷംകൊണ്ട് മാത്രമേ ഇത്തരമൊരു നീക്കം സാധ്യമാകു. കൃത്യമായ തയ്യാറെടുപ്പോടെ നടത്തേണ്ട ഒരു വലിയ എക്സര്‍സൈസ് ആണ് കറന്‍സി ഡിജിറ്റൈസേഷന്‍.
എന്താണ് ഈ ഡിജിറ്റല്‍ കറന്‍സി? കറന്‍സി രഹിതം എന്ന് പറയുമ്പോള്‍ 'രൂപ' അപ്രത്യക്ഷമാകാന്‍ പോകുന്നില്ല. ഇപ്പോള്‍ കറന്‍സി നോട്ടായും നാണയങ്ങളായും ഉള്ള പണത്തിന്‍റെ വിനിമയം കുറയ്ക്കുകയാണ് (ആത്യന്തികമായി പൂര്‍ണ്ണമായും ഇല്ലാതാക്കുക) 'കറന്‍സി രഹിതം' എന്നതുകൊണ്…

പറവ

പറവ എന്ന സിനിമ കണ്ടു തീയറ്ററില്‍ നിന്നുമിറങ്ങുമ്പോള്‍ മനസ്സില്‍ ഒരു വിങ്ങലായിരുന്നു; ഒരു പക്ഷെ ശോഭാ മാളിലെ ഐനോക്സില്‍ കണ്ടതുകൊണ്ടാകണം അത്രയും വിങ്ങല്‍ അനുഭവപ്പെട്ടത്. വളരെ കാലത്തിനു ശേഷമാല്ലെങ്കിലും ഒരു കൂതറ പടം തീയറ്ററില്‍ പോയി കണ്ടതിന്‍റെ എല്ലാ വിധ ആത്മനൊമ്പരവും ഇന്നത്തെ സായം സന്ധ്യയില്‍ എന്റെ മനസ്സില്‍ തെളിഞ്ഞു വന്നു.
കുറച്ച് രക്ഷാധികാരി ബൈജു (ക്ലബും, പത്ത് മുപ്പതു വയസ്സായിട്ടും കളിച്ചു നടക്കുന്ന കുറെ ടീംസും), കുറച്ചു ഗപ്പി (ആ രണ്ടു പയ്യന്മാര്‍), കുറച്ചു 1984(ക്രിക്കറ്റ് കളിയുമായി ബന്ധപ്പെട്ട നഷ്ടോള്‍ജിയ),ന്യുജെന്‍ പടങ്ങളുടെ ഈറ്റില്ലമമായ മട്ടാഞ്ചേരി-കൊച്ചി ലൊക്കേഷന്‍ ആന്‍ഡ്‌ സ്ലാങ്ങ്‌,  അങ്ങനെ കണ്ടു മറന്നതും, മറക്കാത്തതുമായ പല സിനിമകളുടെയും പ്രേതങ്ങള്‍ പറവയെ ആവേശിച്ചതായി തോന്നി. ആകെ മൊത്തം എല്ലാം കൂടി ടി പ്രേതങ്ങളുടെ ഒരു ഭാര്‍ഗവിനിലയം!
പറയത്തക്ക കഥ ഒന്നും ഇല്ല; അതും ഈ അടുത്ത കാലത്തെ സിനിമകളുടെ ഒരു പ്രത്യേകതയാണല്ലോ. ഇടക്കാലത്ത് ചില തമിഴ് പടങ്ങളില്‍ കണ്ടിട്ടുള്ള ഒരു ചെറുപ്രദേശത്തെ 'കളി' ഭ്രാന്തും, അതിലെ ചാമ്പ്യന്മാരാകാന്‍ രണ്ടു ഗ്രൂപ്പുകള്‍ നടത്തുന്ന ശ്രമങ്ങളും സിനിമയുടെ ഒ…

ടു ജിയോ ഓര്‍ നോട്ട് ടു ജിയോ

റിലയന്‍സ് ജിയോ ഈ കഴിഞ്ഞ ദിവസങ്ങളില്‍ പ്രഖ്യാപിച്ച ഓഫറിന്റെ പൊള്ളത്തരങ്ങള്‍ എണ്ണമിട്ടെഴുതിയ എന്റെ ഒരു സുഹൃത്തിന്റെ ഒരു ലേഖനമാണ് ഇപ്പോള്‍ ഇങ്ങനെ ഒരു വിശകലനം നടത്താന്‍ എന്നെ പ്രേരിപ്പിച്ചത്. ഒറ്റനോട്ടത്തില്‍ വളരെ നല്ലത് എന്ന് തോന്നുമെങ്കിലും കറകളഞ്ഞ വ്യാപാരിയായ മുകേഷ് അംബാനി ഒന്നും കാണാതെ പോതുജനോദ്ധാരണം മാത്രം മുന്‍നിര്‍ത്തി പ്രവര്‍ത്തിക്കാനുള്ള സാധ്യത വളരെ കുറവാണ് എന്നൊരു തിരിച്ചറിവും നമുക്ക് വേണം. വിഷയത്തിലേക്ക് വരാം:
എന്താണ് ജിയോ ഓഫര്‍? കേവലം 1500 രൂപ ജിയോയില്‍ 'നിക്ഷേപിച്ചാല്‍' മൂന്നു വര്‍ഷത്തേക്ക് ഉപയോഗിക്കാന്‍ ഒരു ഫോണ്‍ അവര്‍ തരുന്നു. കാലാവധി കഴിയുമ്പോള്‍ ഫോണ്‍ തിരികെ നല്‍കിയാല്‍ നിക്ഷേപം തിരികെ തരും. ഈ കാലയളവില്‍ 149രൂപ/309 രൂപ മുതലായ മാസ വരിസംഖ്യ (28 ദിവസം) നല്‍കിയാല്‍ ജിയോ സേവനങ്ങള്‍ ഉപയോഗിക്കാം.
ഒറ്റനോട്ടത്തില്‍ വളരെ നല്ല പ്ലാന്‍. ഇനി നമുക്ക് ഒന്ന് വിശദമായി നോക്കാം:
സൌജന്യ ഫോണ്‍  മൂന്നു വര്‍ഷത്തിനു ശേഷം ഫോണ്‍ തരികെ നല്‍കി ആദ്യം നല്‍കിയ നിക്ഷേപം തിരികെ കിട്ടുമ്പോള്‍ മാത്രമാണ് നിങ്ങള്‍ക്ക് ഫോണ്‍ 'സൌജന്യമായി ലഭിച്ചു' എന്ന് പറയാന്‍ സാധിക്കു. മൂന്നു വര്‍ഷത്തിനുള്ളില്‍ ഫ…