നീതി ദേവത കണ്ണുകള്‍ കെട്ടി നില്‍ക്കുന്നത് മുഖം നോക്കാതെ നിയമം നടപ്പാക്കണം എന്നതുകൊണ്ടല്ല, ജനങ്ങളുടെ മുഖത്ത് നോക്കാന്‍ മടിയായത് കൊണ്ടാണ് എന്ന് തെളിയിക്കുന്ന കോടതി വിധികളും കാഴ്ച്ചകളുമാണ് കഴിഞ്ഞ ഒരാഴ്ചയില്‍ നാം കണ്ടത്.
അങ്ങ് ബോംബേയില്‍, പതിമ്മൂന്നു വര്‍ഷങ്ങള്‍ക്ക് ശേഷം വന്ന വിധിയില്‍ രണ്ടു മണിക്കൂറില്‍ ജാമ്യം, അതും സാക്ഷാല്‍ ഹൈക്കോടതി വഹ!
ഇവിടെ നമ്മുടെ സ്വന്തം കേരളത്തില്‍ കോടതി വരാന്തയില്‍ ശിക്ഷിക്കപ്പെട്ട പ്രതികളുടെ പരിഹാസച്ചിരി,
തൊട്ടപ്പുറത്ത് ബാംഗ്ലൂരില്‍ വിളവു തിന്ന വേലിയേ വെറുതെ വിട്ടുകൊണ്ട് ഒറ്റ വാക്യത്തില്‍ വിധിപ്രസ്താവം!
നീതി ദേവത പിന്നെ എങ്ങനെ മുഖത്ത് നോക്കും? കണ്‍കെട്ടു തന്നെ നല്ലത്!
No comments:
Post a Comment