Skip to main content

നൂറില് നൂറ്റിപ്പത്ത് ശതമാനം വിജയം!!!

ഈ വര്ഷം SSLCക്ക് വിജയശതമാനം 92 കടന്നു. ശിവ ശിവ എന്താ കഥ? 2006ല് ആഞ്ഞുപിടിച്ചിട്ടും 70ല് താഴെ നിന്നത് കേവലം 2 വര്ഷം കൊണ്ട് 92ല് എത്തിയിരിക്കുന്നു!!! ഭഗവാന് (ഗ്രേഡിംഗ്?)തേരി മായാ!!! നമ്മുടെ വിദ്യാഭ്യാസ വകുപ്പ് എന്തഭ്യാസം കാണിച്ചാണ് ശതമാനം ഇങ്ങനെ വര്ദ്ധിപ്പിച്ചതെന്നറിയാന് ലേഖകനൊരാഗ്രഹമുണ്ടേ....

ഉയര്ന്ന വിജയശതമാനം കഴിവിന്റെ, പ്രതിഭയുടെ അളവുകോലാണെങ്കില് ഈ ഗ്രേഡിംഗ് മാമാങ്കത്തിനു മുന്പ്
ജീവിച്ചിരുന്ന, ഇപ്പോള് വംശനാശം അടഞ്ഞുപോയ 'റാങ്ക്' ജേതാക്കളെല്ലാവരും ഡാക്റ്റര്മാരായി 'പാവങ്ങളെ ഫ്രീയായി' ചികിത്സിച്ചു നടന്നേനെ!!!

റാങ്കിനുവേണ്ടിയുള്ള മത്സരം കുട്ടികളുടെ മനോനില തെറ്റിക്കുമെന്നതാണ് ഗ്രേഡിംഗ് ഏര്പ്പെടുത്താന് വിദ്യാഭ്യാസ വകുപ്പ്
കണ്ടുപിടിച്ച കാരണം. പത്രസമ്മേളനം വിളിച്ച് ചേര്ത്ത് റാങ്ക് പ്രഖ്യാപനം, മന്ത്രി പുംഗവന്റെ ഭവന സന്ദര്ശനം, പിന്നെ പത്രക്കാരുടെ വക ഇന്റര്വ്യൂ... ഇങ്ങനെ റാങ്ക് പ്രഖ്യാപനം ഒരാഖോഷമാക്കിത്തീര്ത്തതിനു പിന്നില് വിദ്യാഭ്യാസ വകുപ്പിനും
ഒരു പങ്കില്ലേ? എന്നിട്ട് എല്ലാത്തിനും പരിഹാരമായി ഗ്രേഡിംഗ്.... കൊള്ളാം...നമ്മുടെ വിദ്യാഭ്യാസ നിലവാരം അടുത്തുതന്നെ ബഹിരാകാശം കടക്കും..

ഈ നിലക്കുപോയാല് അടുത്ത വര്ഷം വിജയശതമാനം 110 ആകും, തീര്ച്ച!!! വിദ്യാഭ്യാസ വകുപ്പിനു ലേഖകന്റെ ഭാവുകങ്ങള്, keep up the GOOD work!!!!

Comments

ഞാന്‍ said…
ഭാവിയില്‍ SSLC എഴുതണം എന്ന് ചിന്തിക്കുന്നവര്‍ തന്നെ പാസ്സ് ആകും.... അതാണ്!
എങ്ങനെ പഠിക്കാതെ
പരീക്ഷയെഴുതി വിജയിക്കാം
എന്ന്‌ തെളിയിച്ചുകൊണ്ടിരിക്കുന്ന
വിദ്യാഭ്യാസമന്ത്രിയെ ലഭിച്ചത്‌
നമ്മുടെ ഭാഗ്യമല്ലേ....
മിസ്റ്റര്‍ ; സ്വ. ലേ....
കാര്യക്ഷമതാ വര്‍ഷമാവുമ്പോള്
‍അങ്ങിനെയൊക്കെ സംഭവിക്കും..
സ്വാഭാവികം... മുഖം ചുളിച്ചിട്ട്‌ കാര്യമില്ല..ട്ടോ...
ഏകാകി said…
മാഷേ! ഇതു മലയാളമണ്ണാണ്. ഇവിടെ പലതും നടക്കും!
ഫസല്‍ said…
വിജയ ശതമാനം കൂടിയാല്‍ വിദ്യഭ്യാസ നിലവാരം കൂടുമോ? അറിയില്ല എന്നാണുത്തരമെങ്കില്‍ ഇന്നാ പിടിച്ചോ വേറൊരു സിദ്ധാന്തം-വിദ്യഭ്യാസ നിലവാരം കൂടിയാല്‍ വിജയ ശതമാനം കൂടും തീര്‍ച്ച. മന്ത്രി ബേബി പറഞ്ഞത് സി ബി എസ് സി വിജയ ശതമാനം തൊണ്ണൂറ്റി നാലൊക്കെയാണ്‍ അപ്പോള്‍ നമുക്ക് തൊണ്ണൂറ്റി രണ്ട് എങ്കിലും ആയില്ലെങ്കില്‍ മോശമാ, അല്ലെങ്കില്‍ നമ്മളിത്തിരി ശതമാനം കൂടിയാല്‍ പരാതിയായി, കേസായി. 'ഇതെന്ത്രടപ്പനേ?'

പിന്നാമ്പുറ വാര്‍ത്തകളിങ്ങനെ; വിജയ ശതമാനം കൂട്ടാന്‍ ഭരണ അദ്ധ്യാപക യൂണിയന്‍കാര്‍ വളരെ ലാവിഷ് ആയി മാര്‍ക്ക് ഇട്ടത്രേ. പിന്നെ തുടര്‍ മൂല്യ നിര്‍ണ്ണയത്തിന്‍റെ ഭാഗമായുള്ള മാര്‍ക്ക് മുഴുവന്‍ അങ്ങ് കൊടുത്തു, അല്ലെങ്കില്‍ വെവരം അറിയുമെന്ന് ആരൊക്കെയോ ഭീഷണിപ്പെറ്റുത്തി. ചില ചോദ്യങ്ങള്‍ തെറ്റിച്ച് കൊടുക്കുകയും അതിന്‍റെ ഫലമായി അതിന്‍രെ മുഴുവന്‍ മാര്‍ക്കും ആറബി പറഞ്ഞ പോലെ യാ അള്ള കല്ലി വല്ലി എന്ന് പറഞ്ഞ് അങ്ങ് കൊടുത്തു വത്രേ, കേക്കണേ നാട്ടുകാരെ...പിന്നെ ചോദ്യത്തിനു ഉത്തരം എഴുതാന്‍ ശ്രമിച്ചാല്‍ മാര്‍ക്ക്, ഉത്തരത്തിനു പകരം തിരിച്ചൊരു ചോദ്യ ചിഹ്നം ഇട്ടു കൊടുത്താല്‍ ഇത് വല്ല അത്യന്താധുനിക കവിതയാണെന്ന് തെറ്റിദ്ധരിച്ച് മാര്‍ക്ക് അങ്ങ് ഇട്ടു കൊടുക്കുമത്രേ

എന്തെങ്കിലുമാകട്ടെ പിള്ളേരൊക്കെ പ്ലസ്സ് ടു വിന്‍ പോകട്ടെ, സീറ്റില്ലെങ്കില്‍ പുതിയ സ്ക്കൂളുകള്‍ക്ക് അനുവദിക്കാം അതും ഒരു ബിസിനസ്സ് ആണല്ലോ ഇപ്പോള്‍.

ജനപ്രിയ പോസ്റ്റുകള്‍

കറന്‍സി രഹിത ലോകം

യൂറോപ്യന്‍ രാജ്യമായ സ്വീഡന്‍ 2020ആകുമ്പോഴേക്കും ലോകത്തിലെ ആദ്യ കറന്‍സി രഹിത രാജ്യമായി മാറാന്‍ തയ്യാറെടുക്കുകയാണ്. ബിറ്റ് കോയിന്‍ പോലുള്ള രാജ്യാന്തര-സ്വതന്ത്ര ക്രിപ്ടോകറന്‍സികളും വേരുറപ്പിച്ചു കഴിഞ്ഞിരിക്കുന്നു. തുടങ്ങിയിരിക്കുന്നു. ഇടപാടുകള്‍ അതിവേഗം നൂതനസംവിധാനങ്ങലിലെക്ക് മാറുകയാണ്. ഇതെല്ലാം കാണാതെ നാം കണ്ണടച്ചു ഇരുന്നാല്‍ രണ്ടോ മൂന്നോ ദശാബ്ദങ്ങള്‍ കൊണ്ട് നമ്മുടെ ലോകം പൊട്ടക്കിണര്‍ മാത്രമായി ചുരുങ്ങും. അതുകൊണ്ട് തന്നെ കറന്‍സി രഹിത സമ്പദ് വ്യവസ്ഥ എന്നത് വിപ്ലവകരമായ, നല്ല ഒരാശയാമാണ്.
ഇന്ത്യയെ പോലെ ഭൂമിശാസ്ത്രപരമായും, ജനസംഘ്യാപരമായും, സാംസ്കാരികമായും വൈവിധ്യമുള്ള ഒരു രാജ്യത്ത് ഇരുപതോ-ഇരുപത്തഞ്ചോ വര്‍ഷംകൊണ്ട് മാത്രമേ ഇത്തരമൊരു നീക്കം സാധ്യമാകു. കൃത്യമായ തയ്യാറെടുപ്പോടെ നടത്തേണ്ട ഒരു വലിയ എക്സര്‍സൈസ് ആണ് കറന്‍സി ഡിജിറ്റൈസേഷന്‍.
എന്താണ് ഈ ഡിജിറ്റല്‍ കറന്‍സി? കറന്‍സി രഹിതം എന്ന് പറയുമ്പോള്‍ 'രൂപ' അപ്രത്യക്ഷമാകാന്‍ പോകുന്നില്ല. ഇപ്പോള്‍ കറന്‍സി നോട്ടായും നാണയങ്ങളായും ഉള്ള പണത്തിന്‍റെ വിനിമയം കുറയ്ക്കുകയാണ് (ആത്യന്തികമായി പൂര്‍ണ്ണമായും ഇല്ലാതാക്കുക) 'കറന്‍സി രഹിതം' എന്നതുകൊണ്…

പറവ

പറവ എന്ന സിനിമ കണ്ടു തീയറ്ററില്‍ നിന്നുമിറങ്ങുമ്പോള്‍ മനസ്സില്‍ ഒരു വിങ്ങലായിരുന്നു; ഒരു പക്ഷെ ശോഭാ മാളിലെ ഐനോക്സില്‍ കണ്ടതുകൊണ്ടാകണം അത്രയും വിങ്ങല്‍ അനുഭവപ്പെട്ടത്. വളരെ കാലത്തിനു ശേഷമാല്ലെങ്കിലും ഒരു കൂതറ പടം തീയറ്ററില്‍ പോയി കണ്ടതിന്‍റെ എല്ലാ വിധ ആത്മനൊമ്പരവും ഇന്നത്തെ സായം സന്ധ്യയില്‍ എന്റെ മനസ്സില്‍ തെളിഞ്ഞു വന്നു.
കുറച്ച് രക്ഷാധികാരി ബൈജു (ക്ലബും, പത്ത് മുപ്പതു വയസ്സായിട്ടും കളിച്ചു നടക്കുന്ന കുറെ ടീംസും), കുറച്ചു ഗപ്പി (ആ രണ്ടു പയ്യന്മാര്‍), കുറച്ചു 1984(ക്രിക്കറ്റ് കളിയുമായി ബന്ധപ്പെട്ട നഷ്ടോള്‍ജിയ),ന്യുജെന്‍ പടങ്ങളുടെ ഈറ്റില്ലമമായ മട്ടാഞ്ചേരി-കൊച്ചി ലൊക്കേഷന്‍ ആന്‍ഡ്‌ സ്ലാങ്ങ്‌,  അങ്ങനെ കണ്ടു മറന്നതും, മറക്കാത്തതുമായ പല സിനിമകളുടെയും പ്രേതങ്ങള്‍ പറവയെ ആവേശിച്ചതായി തോന്നി. ആകെ മൊത്തം എല്ലാം കൂടി ടി പ്രേതങ്ങളുടെ ഒരു ഭാര്‍ഗവിനിലയം!
പറയത്തക്ക കഥ ഒന്നും ഇല്ല; അതും ഈ അടുത്ത കാലത്തെ സിനിമകളുടെ ഒരു പ്രത്യേകതയാണല്ലോ. ഇടക്കാലത്ത് ചില തമിഴ് പടങ്ങളില്‍ കണ്ടിട്ടുള്ള ഒരു ചെറുപ്രദേശത്തെ 'കളി' ഭ്രാന്തും, അതിലെ ചാമ്പ്യന്മാരാകാന്‍ രണ്ടു ഗ്രൂപ്പുകള്‍ നടത്തുന്ന ശ്രമങ്ങളും സിനിമയുടെ ഒ…

ടു ജിയോ ഓര്‍ നോട്ട് ടു ജിയോ

റിലയന്‍സ് ജിയോ ഈ കഴിഞ്ഞ ദിവസങ്ങളില്‍ പ്രഖ്യാപിച്ച ഓഫറിന്റെ പൊള്ളത്തരങ്ങള്‍ എണ്ണമിട്ടെഴുതിയ എന്റെ ഒരു സുഹൃത്തിന്റെ ഒരു ലേഖനമാണ് ഇപ്പോള്‍ ഇങ്ങനെ ഒരു വിശകലനം നടത്താന്‍ എന്നെ പ്രേരിപ്പിച്ചത്. ഒറ്റനോട്ടത്തില്‍ വളരെ നല്ലത് എന്ന് തോന്നുമെങ്കിലും കറകളഞ്ഞ വ്യാപാരിയായ മുകേഷ് അംബാനി ഒന്നും കാണാതെ പോതുജനോദ്ധാരണം മാത്രം മുന്‍നിര്‍ത്തി പ്രവര്‍ത്തിക്കാനുള്ള സാധ്യത വളരെ കുറവാണ് എന്നൊരു തിരിച്ചറിവും നമുക്ക് വേണം. വിഷയത്തിലേക്ക് വരാം:
എന്താണ് ജിയോ ഓഫര്‍? കേവലം 1500 രൂപ ജിയോയില്‍ 'നിക്ഷേപിച്ചാല്‍' മൂന്നു വര്‍ഷത്തേക്ക് ഉപയോഗിക്കാന്‍ ഒരു ഫോണ്‍ അവര്‍ തരുന്നു. കാലാവധി കഴിയുമ്പോള്‍ ഫോണ്‍ തിരികെ നല്‍കിയാല്‍ നിക്ഷേപം തിരികെ തരും. ഈ കാലയളവില്‍ 149രൂപ/309 രൂപ മുതലായ മാസ വരിസംഖ്യ (28 ദിവസം) നല്‍കിയാല്‍ ജിയോ സേവനങ്ങള്‍ ഉപയോഗിക്കാം.
ഒറ്റനോട്ടത്തില്‍ വളരെ നല്ല പ്ലാന്‍. ഇനി നമുക്ക് ഒന്ന് വിശദമായി നോക്കാം:
സൌജന്യ ഫോണ്‍  മൂന്നു വര്‍ഷത്തിനു ശേഷം ഫോണ്‍ തരികെ നല്‍കി ആദ്യം നല്‍കിയ നിക്ഷേപം തിരികെ കിട്ടുമ്പോള്‍ മാത്രമാണ് നിങ്ങള്‍ക്ക് ഫോണ്‍ 'സൌജന്യമായി ലഭിച്ചു' എന്ന് പറയാന്‍ സാധിക്കു. മൂന്നു വര്‍ഷത്തിനുള്ളില്‍ ഫ…