അങ്ങനെ എറണാകുളം സ്വാമി എന്നറിയപ്പെടുന്ന 'ഹിമവല്‍ ഭദ്രാനന്ദ' അവസാനം അതു ചെയ്തു!! പോലീസ്‌ സ്റ്റേഷനില്‍ കയറി വെടിവെച്ചു!! ആത്മീയതയുടെ പടവുകള്‍ ഇത്ര ചെറുപ്പത്തിലെ തരണം ചെയ്ത്‌ സര്‍വജ്ഞപീഠം കയറിയ സ്വാമിജിക്ക്‌ അവസാനം കോപം അടക്കാനിയില്ല...
ഈശ്വരോ രക്ഷതു...
സ്വാമികളുടെ മുഖകമലം കണ്ടാല്‍ തന്നെ അറിയാം ആളൊരു ദിവ്യനാണെന്ന്: ആത്മീയചൈതന്യം അങ്ങനെ വഴിഞ്ഞോഴുകകയല്ലെ!!
ഏതു അണ്ടനും അടകോടനും ഒരു കാവി വസ്ത്രം ധരിച്ചാല്‍ സ്വാമി ആകാമെന്ന കാലമാണല്ലൊ ഇത്‌ (കലികാലത്തില്‍ ധര്‍മച്യുതി സംഭവിക്കുമെന്നു പുരാണങ്ങളില്‍ പറഞ്ഞിട്ടുണ്ടല്ലൊ). അപ്പോള്‍ ഇവനെ പോലെയുള്ള കള്ളപ്പരിഷകള്‍ ഇങ്ങനെ നടക്കുന്നതില്‍ അത്ഭുതമൊന്നുമില്ല. ആയിരക്കണക്കിനു വര്‍ഷം പഴക്കമുള്ള ഒരു സംസ്കാരത്തെയാണിവര്‍ കളങ്കപ്പെടുത്തുന്നതെന്നതാണ്‌ വിഷമമുണ്ടാക്കുന്ന വസ്തുത. അത്മീയതയുടെ പേരില്‍ സാമൂഹിക വിരുദ്ധ പ്രവര്‍ത്തനങ്ങള്‍ നടത്തുന്ന ഇത്തരം ഫ്രോഡുകളെ ചാട്ടവാറുകോണ്ട്‌ അടിക്കുകയാണ്‌ വേണ്ടത്‌. നല്ല ചൂടോടെ 101എണ്ണം പുറത്തു കിട്ടിക്കഴിഞ്ഞാല്‍ ഇവന്മാരുടെ ഒക്കെ 'അസുഖം' പൊക്കോളും എന്നാണ്‌ ലേഖകനു പറയാനുള്ളത്‌.
PS: ഒരു തോക്കുമായി പോലീസ്‌ സ്റ്റേഷനില്‍ ഇരുപ്പുറപ്പിച്ച സ്വാമികളുടെ കയ്യില്‍ നിന്നും അതു പിടിച്ചെടുക്കാന്‍ (അതു പൊട്ടിക്കുന്നതിനുമുന്‍പ്‌) പൊലിസ്‌ ശ്രമിക്കാതിരുന്നത്‌ എന്തുകൊണ്ടാണെന്നുമാത്രം മനസ്സിലാകുന്നില്ല!! പേടി? അതൊ അതൊന്നു പൊട്ടിക്കാണാനുള്ള ആഗ്രഹം?
1 comment:
പൊട്ടുന്ന തോക്കൊന്നു കണ്ടനേരം
പോലീസുകാരൊക്കെയമ്പരന്നു.
തോക്കൊന്നു പൊട്ടുന്നതാദ്യമായി-
ക്കണ്ടതാണിന്നവര്‍, കയ്യടിച്ചു..!
Post a Comment